今年hkiff 本黎諗住睇咗三幾套先寫吓短評，今日睇第二套聖鹿之死，就忍唔住不吐不快了！
今年hkiff 每套電影播放前，都有古天樂嗰個宣傳，佢問電影最重要係咩？ 唔係大製作，大cast, 而係古仔。 我唔知大家點睇，我自己非常認同。我鐘意電影，話劇，小說，電影劇或者係漫畫，因為我鐘意一切有故事性的東西。 今次睇哩套聖鹿之死，我本黎已有少少中途離場的打算，都唔知睇緊咩？！ 不過我深信每套電影都應該有值得欣賞的地方，佢變態的藝術感，以及賣弄地的象徵性意象，（sorry, 都係忍唔住俾咗d負面感受出黎） 應該只係我唔識欣賞啫！ 所以我一路睇，睇到內心不段想講粗口咁，到完場時第一時間走人表達我內心的不滿，即刻打咗篇嘢黎平衡一下我的內心！
故事我覺得係賣弄做作，聖鹿之死我知係拎希臘神話入面agamemnon 不小心殺咗獻給diana 的牝鹿，不得不把女身獻上以獲得神的原諒！ 其實我真係唔知同哩個神話所表達的有什麼關係，在國家利益與親情之間的取捨，大眾應該容易明白。 但哩套戲所表達又是什麼呢？ 希臘神話入面有女神，哩套有咩？ 我睇到中間仲以為個個中哂降頭，俾嗰個死????仔用邪術迷惑添？ 但又好似唔似，導演只係想講哩家人的冷㳻漠與為保自身的不擇手段！
以牙還牙以眼還眼，應該係導演所表達覺得最近他本身正義的東西，當然大家都不過深究是否真的是以牙還牙，還是以腳還牙，因為入面角色的mind set 都冇人覺得有問題，只係諗辦法逃離不用自己還債啫。 什麼姐弟，父子，母女親都係冇嘅！